Lha kepriye to……
Saben ketemu kaya- kaya
ora kendhat
Saben tumindak kaya-
kaya tansah ora lali
Saben dak wuruk
Saben dak wulang
Saben dak tuturi
Saben dak gula wenthah…………….
Jarene saiki tugase
mung Fasilitator
Among minangka
lelantaran
Siswa kang kajibah
ngreka daya
Siswa kang kajibah
mbudi daya
Siswa kang kudune ngudi
samubarang
Mbiyen minangka
punjering ngelmu
Saiki saderma alelados
lan amung alelantaran
Jarene…..
Jarene siswa iku calon
pemimpin bangsa
Ning kok nggogok ana
mburi dhewe
Jarene siswa iku nerti
tata krama
Patrapmu jempalitan
Jarene siswa iku baut
ing parama sastra
Celathumu pating
pecothot
Jarene siswa iku kebak
prestasi
Ananging sarwa reged
pakaryanmu
Lhe… ndhuk
Isih adoh panjangkamu
Mula- dimula dipepeling
Sing prihatin lan
taberi
Ngudi kawruh ngelmu
kang migunani
Anggitan:
Ratih sarwiyono
Tidak ada komentar:
Posting Komentar